ජනාධිපති මෛත්‍රීපාල සිරිසේන මැතිතුමාගේ සංකල්පයක් අනුව දේශයේ ඉදිරි සංවර්ධන ක්‍රියාවලියට කාර්යක්ෂම ලෙස දායක විය හැකි පෞරුෂ වර්ධනයෙන් සහ නායකත්ව ගුණාංගවලින් හෙබි තරුණ පරපුරක් බිහිකිරීමේ අරමුණෙන් දීපව්‍යාප්තව පැවැත්වීමට යෝජිත නායකත්ව තරුණ කඳවුරු වැඩසටහනේ, සමාරම්භක තරුණ කඳවුර පොළොන්නරුව රාජකීය විද්‍යාලය කේන්ද්‍ර කර ගනිමින් පැවැත්වීමට නියමිතය.
තරුණ,තරුණියන් 3000 ක සහභාගිත්වයෙන් මාර්තු මස 10,11,12 තෙදින තුළ තරුණ කඳවුර ක්‍රියාත්මක වෙයි. ජනාධිපති මෛත්‍රීපාල සිරිසේන මැතිතුමාගේ ප්‍රධානනත්වයෙන් 10 වන දින සවස කඳවුරේ සමාරම්භය සනිටුහන් කෙරෙන අතර කඳවුරු කාලය තුළ තරුණ තරුණියන්ගේ ක්‍රීඩා කළා සහ නායකත්ව කුසලතාවයන් වර්ධනය කෙරෙන වැඩසටහන් රැසක් පැවැත්වීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
