පසුගිය වසරේ බලපෑ ‘දිට්වා’ සුළි කුණාටුව හේතුවෙන් පීඩාවට පත් වූ යාපනය, මුලතිව් සහ මන්නාරම දිස්ත්රික්කවල ධීවර ජනතාව වෙත බෝට්ටු සහ ධීවර දැල් පරිත්යාග කිරීමේ විශේෂ උත්සවයක් ඊයේ (18) කරෙයිනගර් ‘සී නෝර්’ (Sea Nor) බෝට්ටු කර්මාන්තශාලා පරිශ්රයේදී පැවැත්විණි.
ධීවර, ජලජ හා සාගර සම්පත් අමාත්ය රාමලිංගම් චන්ද්රසේකර් මහතාගේ ප්රධානත්වයෙන් පැවැති මෙම උත්සවයේ දී විපතට පත් ධීවරයින් වෙත මෙම ආධාර බෙදා දෙන ලදී.
මෙහි පළමු අදියර යටතේ රුපියල් මිලියන 1.800 ක් වටිනා ධීවර දැල් 32 ක් සහ රුපියල් මිලියන 8.640 ක් වටිනා බෝට්ටු 18 ක් ධීවරයින් වෙත ප්රදානය කෙරිණි. රුපියල් 480,000 බැගින් වටිනා මෙම බෝට්ටු 18 න් බෝට්ටු 03 ක් යාපනය දිස්ත්රික්කය සඳහා ද (ඩෙල්ෆ් බෝට්ටු 02 ක් සහ කරෙයිනගර්ට බෝට්ටු 01 ක් වශයෙන්), මුලතිව් දිස්ත්රික්කය සඳහා බෝට්ටු 13 ක් සහ මන්නාරම දිස්ත්රික්කය සඳහා බෝට්ටු 02 ක් වශයෙන් වෙන් කර තිබීම විශේෂත්වයකි.
මෙම අවස්ථාවට යාපනය දිස්ත්රික් අතිරේක රාජ්ය නියෝජිත (දිසාපති) කේ. සිවකරන්, කාරේනගර් ප්රාදේශීය ලේකම් නිරංජනා නවරත්නම්, කාරේනගර් සී නෝර් (Sea Nor) බෝට්ටු කර්මාන්තශාලාවේ අධ්යක්ෂ රොහාන් ජයලත්, සී නෝර් බෝට්ටු අලුත්වැඩියා කිරීමේ සමාගමේ සභාපති වසන්ත මනප්පෙරුම, ධීවර හා ජලජ සම්පත් දෙපාර්තමේන්තුවේ යාපනය දිස්ත්රික් සහකාර අධ්යක්ෂ අකිලන්, මුලතීවු දිස්ත්රික් සහකාර අධ්යක්ෂ සුධාකර්, මන්නාරම දිස්ත්රික් සහකාර අධ්යක්ෂ රාමේෂ්කන්නා යන මහත්ම මහත්මීන්, දෙපාර්තමේන්තු නිලධාරීන් සහ ප්රතිලාභීන් පිරිසක් සහභාගී වූහ.
