බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් අද (13) විටින් විට වැසි හෝ ගිගුරුම් සහිත වැසි ඇති වන බව කාලගුණවිද්යා දෙපාර්තමේන්තුව නිවේදනය කරයි.
එම ප්රදේශවල ඇතැම් ස්ථානවලට මිලිමීටර් 75ක පමණ තරමක තද වැසි ඇති විය හැකි බව ද සඳහන් වේ.
හම්බන්තොට සහ අනුරාධපුර දිස්ත්රික්කවල වැසි ස්වල්පයක් අපේක්ෂා කරන අතර, මධ්යම කඳුකරයේ බටහිර බෑවුම් ප්රදේශවල, උතුරු සහ උතුරු-මැද පළාත්වල මෙන්ම හම්බන්තොට සහ ත්රිකුණාමලය දිස්ත්රික්කවල පැයට කිලෝමීටර් 40-50 දක්වා තද සුළං හමනු ඇතැයි ද එම දෙපාර්තමේන්තුව සඳහන් කරයි.
සෙසු ප්රදේශවල ද පැයට කිලෝමීටර් 30-40 අතර තරමක තද සුළං ඇති විය හැකි බැවින්, ගිගුරුම් සහිත වැසි සමඟ ඇති විය හැකි අකුණු හා තාවකාලික තද සුළං හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස ජනතාවගෙන් ඉල්ලා සිටී.
