ඖෂධ මිල සම්බන්ධයෙන් ඉදිරිපත් කළ ගැසට් නිවේදනයට අනුව ඉදිරියේදී අලුතින් ලියාපදිංචි කරන ලද සහ ලියාපදිංචි කළ සියලුම ඖෂධවල මිල අඩුවන බව කැබිනට් ප්රකාශක සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසයි.
අමාත්යවරයා මේ බව පැවසුවේ , අද (18) රජයේ ප්රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්ය හමුවට එක්වෙමිනි.
මිට පෙර අවස්ථාවලදි 2015 අංක 5 දරණ ජාතික ඖෂධ නියාමන අධිකාරි පනත අනුව තොරා ගත් ඖෂධ කිහිපයක මිල විටින් විට සංශෝධනය වූ බවද අමාත්යවරයා පෙන්වා දුන්නේය.
ඖෂධ මිල සම්බන්ධයෙන් නිකුත් වූ ගැසට් නිවේදනයට අනුව ජාතික ඹෟෂධ නියාමන අධිකාරිය අලුතින් ලියාපදිංචි කරන සහ ලියාපදිංචිය අලුත් කරන ඖෂධ සම්බන්ධයෙන් MRP සහ MCP යන අගයන් දෙකට අනුව මිල නියම කරන බවද පැවසුවේය.
මෙම මිල සූත්රයට අනුව තවත් මාස කිහිපයකින් ලංකාවේ භාවිතා වන සියලුම ඖෂධ ලියාපදිංචි කළ යුතු වන බවත් ඒ අනුව ඖෂධ මිල අඩු විම සිදු වන බවද අමාත්යවරයා පැවසුවේය.
ජාතික ඖෂධ නියාමන අධිකාරියට ඖෂධ අලෙවිය සම්බන්ධයෙන් විශේෂ බලතල පැවරි ඇති බවත් ඒ අනුව කටයුතු කරන බවද පැවසීය.
ඉදිරියේදි එම මිල ගණන් සම්බන්ධයෙන් ජනතාවට දැනුවත් කිරීමටත් ඒ අනුව කටයුතු නොකරන පිරිසට නීතිමය ක්රියාමාර්ග ගැනීමට බලාපොරොත්තු වන බවත් අමාත්යවරයා වැඩි දුරටත් පැවසුවේය.
