සියලු ම ගුවන් හමුදා කඳවුරු නියෝජනය කරමින් කාන්තා හා පිරිමි බර ඉසිලීමේ කණ්ඩායම් තරගාවලියට සහභාගි වු අතර පිරිමි අංශයේ තරගයේ දී ගුවන් හමුදා රත්මලාන කඳවුර හා ගුවන් හමුදා ඒකල කඳවුර සම ශුරයන් බවට පත් විය. සමස්ත කාන්තා ශූරතාව ගුවන් හමුදා ඒකල කඳවුර විසින් හිමිකරගත් අතර මෙම තරගාවලියේ පිරිමි අංශය අනු ශුරතාවය ගුවන් හමුදා කඳවුර බණ්ඩාරනායක ජාත්‍යන්තර ගුවන් තොටුපළ කණ්ඩායම ද කාන්තා අංශයේ අනුශුරතාව ගුවන් හමුදා රත්මලාන කඳවුර විසින් ද හිමිකර ගන්නා ලදි.
අන්තර් ඒකක බර ඉසිලීමේ තරගාවලියේ දක්ෂත ම ක්‍රීඩකයා ලෙස නායක ගුවන් භට එම්.ඒ.ඩී.එස්. අප්පුහාමි කුසලානය හිමි කරගත් අතර අතර දක්ෂත ම ක්‍රීඩිකාව ලෙස ගුවන් කාන්තා සී.ඒ.ඩී.එස් රෝෂණී විසින් කුසලානය හිමි කරගන්නා ලදි.
මෙම තරගාවලියේ කුසලාන හා සහතිකපත් ප‍්‍රදානෝත්සවයේ ප‍්‍රධාන ආරාධිත අමුත්තා ලෙස ගුවන් හමුදා සුබසාධක අධ්‍යක්ෂ එයාර් වයිෂ් මාර්ෂල් ලාල් පෙරේරා සහභාගි වු අතර ඒකල ගුවන් හමුදා කදවුරු අණදෙන නිලධාරි ඇතුළු නිලධාරින් මෙන් ම ක්‍රීඩක ක්‍රීඩිකාවෝ විශාල පිරිසක් සහභාගි වූහ.
DB
