ඉතාලියේ මිලානෝ (Milano) නගරයේදී ඊයේ (16) පස්වරුවේ ආසියා-යුරෝපා නායකයන්ගේ 10 වන සමුළුව පැවැත්විණ.
චීන අග්‍රාමාත්‍ය ලී ක චෙං මහතා ද ඊට සහභාගී විය. ආසියා-යුරෝපා සහයෝගීතා ප්‍රවර්ධනය පිළිබඳ ව යෝජනා 3ක් එහිදී චීන අග්‍රාමාත්‍යවරයා විසින් ඉදිරිපත් කෙරිණ. එනම් ආසියා-යුරෝපා සාමය හා ස්ථාවරත්වය පොදුවේ ආරක්ෂා කළ යුතු බවත්, එමෙන් ම එහි අන්‍යෝන්‍ය සම්බන්ධීකරණය හා වෙළඳ ආයෝජන නිදහස් කරවීම වෙනුවෙන් ද පොදුවේ පෙනී සිටීමත්, මෙම කලාපයේ සංස්කෘතික හුවමාරු හා සමාජ සංවර්ධනය විවිධ පාර්ශව‍යන් පොදුවේ ප්‍රවර්ධනය කළ යුතු බවත් එහිදී ලී ක චෙං මහතා පෙන්වා දුන්නේ ය.
මෙවර සමු‍ළුවේ තේමාව වූයේ වගකිව යුතු හවුල්කාරී සම්බන්ධතාවක් ගොඩනගිමින් අඛණ්ඩ වර්ධනය හා ආරක්ෂාවක් ඉදිරියට ගෙන යාම යන්නයි. ආසියා-යුරෝපා මූල්‍ය සහයෝගීතා, ජාත්‍යන්තර හා කලාපීය පොදු අවධානයට ලක් වූ ගැටලු පිළිබඳ ව ද එහිදී වැඩිදුරටත් සාකච්ඡා කෙරිණ.
ECB / cri-cn
