ශ්‍රී ලංකා ‘ඒ’ ක්‍රිකට් කණ්ඩායම සමග සිව්දින සහ එක්දින තරගාවලියකට සහභාගිවීම සඳහා දකුණු අප්‍රිකානු ‘ඒ’ ක්‍රිකට් කණ්ඩායම ලබන ජුනි මස 01 වැනිදා ශ්‍රී ලංකාවට පැමිණෙනු ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් සදහන් කරයි.
එක්දින තරඟ 3 ක් සහ සිවුදින තරඟ දෙකක් මෙම තරගාවලියට ඇතුළත්ව තිබේ.
ජුනි මස 04 වැනිදා පල්ලකැලේ ජාත්‍යන්තර ක්‍රීඩාංගණයේ පැවැත්වෙන එක්දින තරගයෙන් තරගාවලිය ආරම්භ වන අතර දෙවැනි සහ තෙවැනි තරග ජුනි 06 සහ 08 යන දෙදින එම ක්‍රීඩාංණයේදීම පැවැත්වේ.
තරඟ 2 කින් සමන්විත සිවුදින තරගාවලිය ජුනි 12 වැනිදා ආරම්භ වන අතර දෙවැනි තරඟය ජුනි 19 වැනිදා සිට 22 වැනිදා දක්වා එම ක්‍රීඩාංගණයේදීම පැවැත්වේ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
