උතුරේ ජනතාවට පානීය ජලය ඉතාම විශේෂිත විෂයක් බවත්, එම පානීය ජල ගැටලුවලට විසඳුම් ලෙස ප්‍රමාණවත් සැපයුමක් ලබාදීමට පානීය ජල ව්‍යාපෘති 05ක් රජයෙන් ආරම්භ කර ඇති බවත් උතුරු පළාත් ආණ්ඩුකාර පී.එස්.එම්. චාල්ස් මහත්මිය පැවසුවාය.
උතුරු පළාත් ආණ්ඩුකාරවරිය මේ බව ප්‍රකාශ කළේ අද (26) රජයේ ප්‍රවෘත්ති දෙපාර්තමේන්තුවේ දී උතුරු පළාත් සංවර්ධනය සම්බන්ධයෙන් පැවති විශේෂ මාධ්‍ය හමුවේදී අදහස් දක්වමිනි.
විශේෂයෙන් යාපනය, මුලතිවු හා කිලිනොච්චි දිස්ත්‍රික්කයන්හි මෙම ව්‍යාපෘති ක්‍රියාත්මක වන බවද, ඉන් ව්‍යෘපෘති 02ක් ලබන වර්ෂය තුළ අවසන් වීමට නියමිත බවද ආණ්ඩුකාරවරිය වැඩිදුරටත් පැවසුවාය.
එම ව්‍යාපෘති තුළින් උතුරේ ජනතාවට පානීය ජලය ඉතාමත් විධිමත් ලෙස ලබාදීමට බලාපොරොත්තු වන බවද ඇය වැඩිදුරටත් සඳහන් කළාය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
