කැලණිය ප්‍රාදේශීය සභා බල ප්‍රදේශයේ ගැබිනි මව්වරුන් 100 දෙනෙකු උදෙසා රුපියල් ලක්ෂ 17ක වටිනා කමින් යුත් පෝෂණීය වියළි ආහාර ඇතුළු උපකරණ ලබාදීමේ වැඩසටහනක් දේශීය වෛද්‍ය රාජ්‍ය ඇමති නීතීඥ සිසිර ජයකොඩි මහතාගේ ප්‍රධානත්වයෙන් කැලණිය ප්‍රාදේශීය සභා ශ්‍රවණාගාරයේදී අද (26) පැවැත්විණ.
කැලණිය ප්‍රාදේශීය සභා අරමුදල් යටතේ මව්වරුන්ගේ පෝෂණීය අවශ්‍යතා සපුරාලීම තුළින් නීරෝගී සම්පන්න දරුවෙකු ලොවට දායාද කිරීමට සවියක් වීමේ අරමුණින් කැලණිය ප්‍රාදේශීය සභාව මගින් මෙම වැඩපිළිවෙළ ක්‍රියාත්මක කර තිබිණ.
එහිදී අලුත උපන් දරුවෙකු සඳහා අත්‍යාවශ්‍ය උපකරණ සහ සහල්, මුං ඇතුළු පෝෂණීය ධාන්‍ය, කිරි පිටි ද සහිත වියළි අහාර ප්‍රදානය කෙරිණ.
එම අවස්ථාවට රාජ්‍ය අමාත්‍ය ප්‍රසන්න රණවීර, කැලණිය ප්‍රාදේශීය සභාවේ ලේකම් ඊ.එල් සුභසිංහ යන මහත්ම මහත්මීන් සහභාගි වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
