2010 දිල්ලි නුවර පැවති පොදුරාජ්‍ය මණ්ඩලයීය ක්‍රීඩා උළෙලේදීද කිලෝ ග්රෑම් 62 පංතියේ බර එසවීමේ ඉසව්ව නියෝජනය කරමින් සුදේශ් පීරිස් ලෝකඩ පදක්කමක් දිනා ගන්නා ලදී. ඒ අනුව මෙම ඉසව්ව සඳහා පොදුරාජ්‍ය මණ්ඩලයීය ක්‍රීඩා උළෙලවලදී බහු පදක්කම්ලාභී සිවු වැනි ක්‍රීඩකයා පීරිස් වේ.

කිලෝ ග්රෑම් 273ක බරක් ඔසවා පීරිස් මෙම ඉසව්වේ දෙවන තැන දිනමින් රිදී පදක්කමක් දිනා ඇත. පීරිස්ට වඩා කිලෝ ග්රෑම් 3ක් ඉදිරියෙන් කිලෝ ග්රෑම් 276ක් එස වූ Dimitris Minasidis සයිප්‍රස් ජාතික ක්‍රීඩකයා මෙම ඉසව්වේ රන් පදක්කම දිනා ගත් අතර සැමෝවා ජාතික (Samoan) Vaipana Ioane විසින් මෙහි ලෝකඩ පදක්කමට හිමිකම් කියන ලදී.

මෙවර පොදුරාජ්‍ය මණ්ඩල ක්‍රීඩා උළෙලට එක්වූ ‍ශ්‍රී ලංකා කණ්ඩායමේ නායකයා පදක්කම්ලාභී සුදේශ් පීරිස් වේ. මෙම ඉසව්ව පොදුරාජ්‍ය මණ්ඩලයීය ක්‍රීඩා උළෙලේ දෙවන දිනයේදී (26) ස්කොට්ලන්ත ප්‍රදර්ශන හා සම්මන්ත්‍රණ මධ්‍යස්ථානයේදී (Scottish Exhibition And Conference Centre) පැවැත්විණ.

SDF