ක්‍රීඩා කළමනාකරණ විෂය පිළිබඳව මෙරට ක්‍රීඩක ක්‍රීඩිකාවන්ට, ක්‍රීඩා උපදේශකවරුන්ට, ක්‍රීඩා පුහුණුකරුවන්ට උසස් අධ්‍යාපනයක් ලබාදීම සඳහා ඕස්ට්‍රේලියානු විශ්වවිද්‍යාල සමග ඒකාබද්ධව වැඩපිළිවෙළක් ඇරඹීම සඳහා ක්‍රීඩා අමාත්‍ය මහින්දානන්ද අලුත්ගමගේ මහතාගේ උපදෙස් පරිදි නව වැඩපිළිවෙළක් ක්‍රියාත්මක වන අතර ඒ සඳහා ඕස්ට්‍රේලියානු Deakin විශ්වවිද්‍යාලයේ හා Melbourne විශ්වවිද්‍යාලයේ නියෝජිත පිරිසක් පසුගියදා ක්‍රීඩා අමාත්‍යාංශයේදී ක්‍රීඩා අමාත්‍ය මහින්දානන්ද අලුත්ගමගේ මහතා හමුවී සාකච්ඡා කළහ.
ආචාර්ය Adam Karg (ක්‍රීඩා කළමනාකරණය පිළිබඳ කථිකාචාර්ය), Carl Jones (ජාත්‍යන්තර කටයුතු පිළිබඳ කළමනාකරු) යන මහත්වරු Deakin හා Melbourne විශ්වවිද්‍යාල නියෝජනය කරමින් ඊට සහභාගී වූ අතර ක්‍රීඩා අමාත්‍යාංශයේ ලේකම් අනුර ජයවික්‍රම, අතිරේක ලේකම් සමන් බණ්ඩාර, ජාතික විද්‍යායතනයේ අධ්යක්ෂ ශාන්ත වීරසිංහ, ක්‍රීඩා අධ්යක්ෂ ජනරාල් රංජනී ජයකොඩි යන මහත්ම මහත්මීහුද මෙම අවස්ථාවට එක්වූහ.
MAP
