කාසියේ වාසිය දිනූ එංගලන්ත නායකයා පළමුව පන්දු රැකීමට තීරණය කළේය. ඒ අනුව ශ්‍රී ලංකා පිල පළමුවෙන් පන්දුවට පහර දෙමින් පන්දු වාර 50 අවසානයේ කඩුලු 8කට ලකුණු 256ක් රැස්කර ගත්හ. තිලකරත්න ඩිල්ශාන් පන්දු 101කදී ලකුණු 88ක් ද අශාන් ප්‍රියන්ජන් පන්දු 33කදී ලකුණු 43ක් ද කුමාර් සංගක්කාර පන්දු 67කදී ලකුණු 40ක් ද කණ්ඩායමට එක් කළහ.
ලකුණු 257ක ජයග්‍රාහී ඉලක්කයක් හඹා ගිය එංගලන්ත කණ්ඩායමට පන්දුවාර 26.1කදී සියලු දෙනා දැවී ලබාගත හැකි වූයේ ලකුණු 99ක් පමණි. නුවන් කුලසේකර පන්දුවාර 6කදී ලකුණු 15කට කඩුලු 3ක් ද සචිත්‍ර සේනානායක පන්දුවාර 7.1කදී ලකුණු 13කට කඩුලු 4ක් ද බිඳ හෙළුහ.
තරගය එංගලන්තයේ රිවර් සයිඩ් ක්‍රීඩා පිටියේදී පැවැත්විණි.
HC
