රාජ්‍ය ආරක්ෂක හා නාගරික සංවර්ධන අමාත්‍යංශයේ ප්‍රමුඛ නාගරික පුනර්වර්ධන ව්‍යාපෘතියක් වන කොළඹ අගනගර ආශ්‍රීත නාගරික සංවර්ධන ව්‍යාපෘතිය මඟින් ලෝක බැංකු සහන ණය පදනම යටතේ මෙම සංවර්ධන අදියර කිහිපය සිදු කෙරුණි.
කොළඹ අගනගර ආශ්‍රිත නාගරික සංවර්ධන ව්‍යාපෘතියේ ඇස්තමේන්තු ආයෝජනය ඇමරිකානු ඩොලර් මිලියන 223 (රුපියල් මිලියන 29,000)ක් වන අතර එහි ප්‍රධාන අරමුණ වන්නේ කොළඹ නගර සීමාව තුළ ජල ගැලීම් පාලනය කිරීම හා යටිතල පහසුකම් වැඩිදියුණු කිරීමට අදාළ සේවාවන් වේ.
මේ අවස්ථාව උත්කර්ෂවත් කිරීම සඳහා ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍ය විමල් වීරවංශ, ආරක්ෂක හා නාගරික සංවර්ධන අමාත්‍යංශයේ ලේකම් ගෝඨාභය රාජපක්ෂ, ශ්‍රී ජයවර්ධනපුර කෝට්ටේ මහ නගර සභාවේ නගරාධිපති ආර්.ඒ.ඩී. ජනක රණවක මහත්වරුන් ඇතුළු පිරිසක් මෙම අවස්ථාවට සහභාගි වුහ.
DB
