මේ වනවිට රාජ්‍ය ව්‍යාපාර ප්‍රතිව්‍යුහගතකරණ ප්‍රතිපත්තිය සම්පාදනය කොට අවසන් බවත් ඒ සම්බන්ධයෙන් ඉදිරියේ දී පාර්ලිමේන්තුවට පනත් කෙටුම්පතක් ගෙන එන බවත් රාජ්‍ය ආයතන ලාභදායි තරඟකාරී සහ ජාත්‍යන්තරයට මුහුණ දිය හැකි තත්ත්වයකට ගෙන ඒම සඳහා අවශ්‍ය පිළියම් යොදන බවත් අමාත්‍යවරයා වැඩිදුරටත් පැවසීය. ඒ සඳහා කොටස් විකිණීම, කළමනාකරණය වෙනස් කිරීම, සමුපකාර ක්‍රමයකට ක්‍රියාත්මක වීම ආදී ක්‍රම ඇසුරින් කවර හෝ අන්දමින් ඒ ඒ ව්‍යාපාර සඳහා වඩාත් ගැලපෙන ආකාරයකින් එම ප්‍රතිවිමගත කරන කටයුතු සිදු කරන බවද අමාත්‍යවරයා වැඩිදුරටත් පෙන්වා දුන්නේය. වෙනත් දේශපාලන පක්ෂ මෙම තත්ත්වයන් වෙනස් කරන බවට ජනතාව නොමග යවමින් සිදුකරන්නේ ද දැනට රජය ක්‍රියාත්මක කරන වැඩපිළිවෙළම බවද අමාත්‍යවරයා වැඩිදුරටත් පෙන්වා දුන්නේය.
ණය ගෙවීමේ දී 20% ක අනුපාතයක් ජාත්‍යන්තර අරමුදල විසින් රජයට ලබා දී ඇති බවටද ඇතැම් පක්ෂ නායකයින් විසින් ඉදිරිපත් කරන කරුණු සාවද්‍ය බව පෙන්වා දුන් අමාත්‍යවරයා එය සාවද්‍ය බවද ණය ගෙවීම තිරසාර කර ගැනීම සඳහා යම් එකඟතාවකට එළඹ ඇති බවත් ණය ගෙවීම් ශක්තිමත් කර ගැනීම සඳහා 2032 වසර වන විට දළ දේශීය නිෂ්පාදිතයට සාපේක්ෂව මුළු ණය ප්‍රමාණය 95% ක් කරගැනීමේ මූල්‍ය ඉලක්කයක රජය කටයුතු කරන බවද අමාත්‍යවරයා තවදුරටත් පෙන්වා දුන්නේය.
