ඒ අනුව නොමිලේ පාසල් පෙළ පොත් ලබාදීම, නිල ඇඳුම් ලබාදීම, වාර ප්‍රවේශපත්‍ර ලබාදීම, දහම් පාසල් සඳහා නොමිලේ පෙළ පොත් ලබාදීම සහ ශිෂ්‍යාධාර ලබාදීමේ වැඩසටහන් සඳහා මේ මුදල් ආයෝජනය කර තිබේ.

බාධාවකින් තොර ව සියලුදෙනාට ම නොමිලේ ඖෂධ ලබාදීම සඳහා රජය 2014 පළමු මාස 04ක කාලය තුළ වැය කර ඇති මුදල රුපියල් මිලියන 8,363කි. මාතෘ හා ළමා සෞඛ්‍යාරක්ෂණය වර්ධනය කිරීමේ අරමුණින් රජය මඟින් පෝෂණ මල්ල, ත්‍රීපෝෂ වැඩසටහන, නැවුම් කිරි සහ පාසල් පෝෂණ වැඩසටහන යන ජාතික පෝෂණ වැඩසටහන් අඛණ්ඩව ක්‍රියාත්මක කිරීම සඳහා මේ වසරේ පළමු මාස 04දී රුපියල් මිලියන 1213ක් වැය කර ඇත. ඒ අතර ත්‍රීපෝෂ වැඩසටහන සඳහා වැය කර ඇති මුදල් රුපියල් මිලියන 539කි. වයස අවුරුදු 2ත් 5ත් අතර වූ දරුවන් සඳහා නැවුම් කිරි වීදුරුවක් ලබා දීමට රුපියල් මිලියන 38ක් ද වැය කර තිබේ.

NDH