අමාත්‍යවරයා මේ බව ප්‍රකාශ කළේ ශ්රී ලංකා වෘත්තීය පුහුණු අධිකාරිය මගින් හඳුන්වාදෙන ඉදිකිරීම් ක්ෂේත‍්‍රයේ නිපුණයන් බිහිකරන දින 120 කඩිනම් පාඨමාලාවේ සමාරම්භක උත්සවයට සහභාගී වෙමිනි. මෙම පාඨමාලා යටතේ මාතර දිස්ත‍්‍රික්කයෙන් තොරා ගත් තරුණ තරුණියින් 60ක් දැව තාක්ෂණ ශිල්පී, ජලනල තාක්ෂණ ශිල්පී, ඉදිකිරීම් ශිල්පී යන ක්ෂේත‍්‍ර යටතේ පුහුණුව හදාරා ඇත.
පාඨමාලාව අවසානයේදී මෙම තරුණ තරුණියන් හට NVQ 3 මට්ටමේ සහතිකයක්, රුපියල් 60000 දහසක දීමනාවක්, ආයුධ කට්ටලයක් හා දේශිය හෝ විදේශීය රුකියාවක් ලබා දීමට සැලසුම් කර ඇත.
මෙම පාඨමාලාව නියමු ව්‍යාපෘතියක් ලෙස ගම්පහ දිස්ත‍්‍රික්කයේ සාර්ථකව නිම කළ අතර මෙය එහි දෙවන පියවරයි. මෙම වයාපෘතිය සඳහා මුල්‍ය අනුග‍්‍රහය දක්වන්නේ ජර්මානු තාක්ෂණ සහයෝගිතා ආයතනයයි.
මෙම අවස්ථාවට මුදල් හා ජනමාධ්‍ය අමාත්‍ය මංගල සමරවීර, කරුණාරත්න පරනවිතාන, ශ්රී ලංකා ජර්මානු තානාපති ජෝන් රොහඩි ශ්රී ලංකා වෘත්තීය පුහුණු අධිකාරියේ සභාපති නීතීඥ රවී ජයවර්ධන, උප සභාපති තිසර ගුණසිංහ ඇතුළු පිරිසක් මෙම අවස්ථාවට එක්ව සිටියහ.
