මේ අනුව ජනවාරි පෙබරවාරි , මාර්තු සහ අප්‍රේල් මස වන විට ගර්භනි මාතාවන් 11500කට ආසන්න පිරිසක් සඳහා මෙම පෝෂණ මලු දිමනාව ලබා දි ඇති බව දිස්ත්‍රික් මුල් විය සංවර්ධන ඒකකය පෙන්වා දෙයි.

එක් පෝෂණ මල්ලක වටිනාකම රුපියල් 2000ක් වන අතර ගර්භණී සමය ගෙවෙන මාස 10ක කාල සිමාව තුළ මෙම සහනය ලබා දිම රජය විසින් සිදු කරනු ලබයි. මේ යටතේ ගාල්ල දිස්ත්‍රික්කයේ සියළුම ප්‍රාදේශීය ලේකම් කොට්ඨාශ 19 ආවරණය වන පරිදි සියළුම ගර්භනි මාතාවන් වෙත මෙම ජාතික වැඩපිළිවෙල ක්‍රියාත්මකය. ගාල්ල දිස්ත්‍රික්කයේ කඩවත් සතර ප්‍රාදේශීය ලේකම් කොට්ඨාශය ගර්භනි මාතාවන් වෙනුවෙන් වැඩි මුදලක් වෙන් වන අතර, එය ජනවාරි පෙබරවාරි ,මාර්තු සහ අප්‍රේල් යන මාසයන්හි දි රුපියල් මිලියන 9.7ක මුදලකි.

මේ අනුව 2018 ජනවාරි පෙබරවාරි ,මාර්තු සහ අප්‍රේල් යන මාසයන් හිදි, පෝෂණමලු 47309ක් මෙලෙස දිස්ත්‍රික්කය තුළ බෙදා හැර තිබෙන බව දිස්ත්‍රික් මුල් විය සංවර්ධන ඒකකය වැඩිදුරටත් පෙන්වා දෙයි. මෙම පෝෂණ මල්ල වැඩසටහන 2015 වසරේ සිට කාන්තා හා ළමා කටයුතු අමාත්‍යාංශය විසින් අඛන්ඩව ක්‍රියාත්මකය.

DMU/Galle