සිංහල හා දෙමළ අලුත් අවුරුදු උත්සවය වෙනුවෙන් ජාතික ප්‍රතිපත්ති හා ආර්ථික කටයුතු අමාත්‍යංශයේ මාතර දිස්ත්‍රික් කුඩා ව්‍යාපාර සංවර්ධන අංශය මගින් වාර්ෂිකව සංවිධානය කරනු ලබන 2018 - රුහුණු ව්‍යවසාය අලෙවි පොළ හා ප්‍රදර්ශනය මෙවරත් ඉතා උත්කර්ෂවත් අන්දමින් අප්‍රේල් මස 09, 10 හා 11 දින වල දී මාතර උයන්වත්ත ක්‍රීඩාංගණයේ දී පැවැත්වේ.
මාතර දිස්ත්‍රික්කයේ සුළු හා මධ්‍ය පරිමාණ ව්‍යවසායකයන්ගේ නිෂ්පාදන මෙම අලෙවි පොළ හා ප්‍රදර්ශනය සඳහා ඉදිරිපත් කරති. රෙදිපිළි, ගෘහ උපකරණ, මල් හා පළතුරු පැළ, අත්කම් නිර්මාණ, ගෘහ අලංකරණ
සැරසිලි, ආහාරපාන, රස කැවිලි, පාවහන්, මැටි ආශ්‍රිත නිෂ්පාදන ඇතුළු නිෂ්පාදන රැසක් එකම ස්ථානයක දී මිල දී ගැනීමට පාරිභෝගිකයින්ට මෙහි දී අවස්ථාව උදාවන බව මාතර දිස්ත්‍රික් කුඩා ව්‍යාපාර සංවර්ධන අංශයේ සහකාර අධ්‍යක්ෂ පී.කේ. පතිරණ මහතා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
