මහනුවර ප්‍රදේශ කිහිපයක පසුගිය දා ඇති වූ නොසන්සුන්කාරී තතත්ත්වය හේතුවෙන් විනාශයට පත් වූ ගොඩනැගිලි ප්‍රතිසංස්කරණය කරදීමේ ශ්‍රමදානයක් සර්ව ආගමික නායකයන් ඇතුළු ප්‍රදේශවාසීන්ගේ සහභාගිත්වයෙන් ආරම්භ විය.
මේ සදහා යුධ හමුදා නිලධාරීන් දෙසීයකට අධික පිරිසකගේ සහ කුණ්ඩසාල ප්‍රාදේශීය ලේකම් කාර්යාලයේ නිලධාරීන්ගේ සහයෝගයද ලබා දී තිබුණි.
ඒ අනුව එහි පළමු අදියර ලෙස දිගන, කෙන්ගල්ල ප්‍රදේශයේ හානි වූ දේපල වල සුන්බුන් ඉවත් කිරීම ආරම්භ කරන ලදී. එහි දෙවන අදියර ලෙස එම දේපල ප්‍රතිසංස්කරණය කිරීමේ කටයුතු ඉදිරියේදී ආරම්භ කිරීමට නියමිත බව ශ්‍රි ලංකා යුධ හමුදාවේ මධ්‍යම පළාත් අණදෙන නිලධාරී මේජර් ජනරාල් නිශ්ශංක රණවන මහතා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
