ඒ අනුව හම්බන්තොට දිස්ත්‍රික්කයේ මංතීරු දෙකක් වෙනුවෙන් රුපියල් 6,302,572.22ක්, මාතලේ දිස්ත්‍රික්කයේ මංතීරු දෙකක් වෙනුවෙන් 4,156,909.54ක්ද, නුවරඑළිය දිස්ත්‍රික්කයේ එක් මංතීරුවක් වෙනුවෙන් රුපියල් 3,497,535.36ක්ද, මහනුවර දිස්ත්‍රික්කයේ එක් මංතීරුවක් වෙනුවෙන් 2,990,741.25ක්ද, ගාල්ල දිස්ත්‍රික්කයේ එක් මංතීරුවක් වෙනුවෙන් රුපියල් 1,995,000.00ක්ද, මඩකලපුව දිස්ත්‍රික්කයට එක් මංතීරුවක් වෙනුවෙන් 3,000,000.00ක්ද, පුත්තලම දිස්ත්‍රික්කයේ මංතීරු තුනක් වෙනුවෙන් 6,620,658.64ක්ද, කළුතර මංතීරු දෙකක් සඳහා 10,185,392.82ක්ද, බදුල්ල එක් මංතීරුවකට 3,031,993.85ක්ද, මාතර එක් මංතීරුවක් සඳහා 2,660,000.00ක්ද, වවුනියාට එක් මංතීරුවක් සඳහා 3,776,760.00ක්, අම්පාර දිස්ත්‍රික්කයේ මංතීරු තුනක් ඉදිකිරීම වෙනුවෙන් 9,437,873.48ක්, කුරුණෑගල දිස්ත්‍රික්කයේ මංතීරු 04ක් ඉදිකිරීම වෙනුවෙන් 12,057,296.69ක්ද, ගම්පහ දිස්ත්‍රික්කයේ මංතීරු 02ක් ඉදිකිරීමට 6,000,000.00ක්ද, යාපනය දිස්ත්‍රික්කයේ මංතීරු දෙකක් ඉදිකිරීමට 3,350,000.00ක්ද, පොලොන්නරුවේ මංතීරු 02ක් වෙනුවෙන් 5,659,740.60ක්ද, රත්නපුරට එක් මංතීරුවක් වෙනුවෙන් 3,503,390.00ක් හා කොළඹ දිස්ත්‍රික්කයේ එක් මංතීරුවක් ඉදිකිරීම වෙනුවෙන් 1,312,514.00ක් ද වශයෙන් ප්‍රතිපාදන වෙන් කොට ඇත.

 

2017 වසරේ සිට ශ්‍රී ලංකාවේ සියලු ම දිස්ත්‍රික්ක ආවරණය වන පරිදි ප්‍රාදේශීය ලේකම් කොට්ඨාසයකට අවම වශයෙන් එක් ඇවිඳීමේ මංතීරුවන් බැගින් ඉදිකිරීමට සැලසුම් කොට ඇත.

 

මෙම මංතීරු ඉදිකිරීමේ ස්ථාන තෝරාගැනීමේ දී උපරිම ප්‍රයෝජනයට බඳුන්වන ජනාකීරුණ ස්ථාන කෙරෙහි වැඩි අවධානයක් යොමු කර තිබේ.

 

ක්‍රීඩා අමාත්‍යංශය හා සෞඛ්‍ය අමාත්‍යංශය ඒකාබද්ධව ක්‍රියාත්මක කරන බෝ නොවන රෝග වළක්වාගැනීමේ වැඩසටහනෙහි එක් ව්‍යාපෘතියක් ලෙස ක්‍රීඩා හා ශරීර සුවතා ප්‍රවර්ධන ජාතික සතියට සමඟාමීම ඇවිඳීමේ මංතීරු ඉදිකිරීමේ ව්‍යාපෘතිය 2016 වසරේ දී ආරම්භ කොට ඇත.