මේ අනුව අලුතින් වකුගඩු රෝගීන් සඳහා වන වාට්ටු දෙකක්, වකුගඩු බද්ධ කිරීමේ ශල්‍යාගාර, දැඩි සත්කාර ඒකකයක් සහ වකුගඩු රෝග පිළිබඳ පර්යේෂණාගාරයක් ඇතුළත් වන අයුරින් පස් මහල් ගොඩනැගිල්ලක් ස්ථාපිත කිරීමට නියමිතය. මේ සඳහා සැලසුම් සකස් කිරීම ඉංජිනේරුමය කාර්යයන් පිළිබඳ මධ්‍යම උපදේශක කාර්යාංශය මගින් සිදු කොට ඇත.
මෙම නව ඒකක දෙක ආරම්භවීමත් සමඟ මොනරාගල, රත්නපුර වැනි යාබද දිස්ත්‍රික්කයන්හි ජනතාවට පහසුවෙන් මෙම සේවාවන් ලබාගත හැකි වේ.
මෙහි ඉදිකිරීම් කටයුතු සිදුකිරීමේ කොන්ත්‍රාත්තුව ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍යංශයේ ස්ථාවර තාක්ෂණික ඇගයීම් කමිටු ආවරණ අනුමැතියට යටත්ව ඉංජිනේරුමය කාර්යයන් පිළිබඳ මධ්‍යම උපදේශක කාර්යාංශය වෙත පැවරේ.
DB
