මාධ්‍ය වෙත අදහස් දක්වමින් ඒ මහතා අද (15) මේ බව ප්‍රකාශ කළේය.
විද්‍යුත් උපාංග පෙනුවලින් ගලවා තැබීමටත්, තැනිතලා බිම් වල ගැවසීමෙන් වැලකි සිටින ලෙසත්, ඒ මහතා මහජනතාවට දැනුම්දෙයි.
ඒ අනුව, ඉදිරි දිනවල දී (18 හා19) දිවයිනේ නිරිත දිග කොටසේ උදය වරුවේ වැසි තත්ත්වයක් නිර්මාණය වන බවත්, දැනට සවස් වරුවේ වසින වැසි තත්ත්වයට වඩා වැඩි වර්ෂාපතනයක් 18 හා 19 යන දිනවල දී ඇති විය හැකි බවත් හෙතෙම පැවසීය.
ක්‍රමක්‍රමයෙන් පරිසරයේ උෂ්ණත්වයත් අඩු විය හැකි බවත්, ඉදිරියට ඇති වන්නේ නිරිත දිග මෝසම් කාලය හෙයින් මැයි මස අග සහ සැප්තැම්බර් මාසය පුරාවට පැවතිය හැකි බවත්, එවැනි තත්ත්වයක දී වුවත් වැඩි වර්ෂාපතනයක් ලැබිය හැකි බවත් ඒ මහතා වැඩිදුරටත් සඳහන් කළේය.
