ශාන්ත මයිකල් විද්‍යාලයෙන් ද්විතීය අධ්‍යාපනය හදාරා මහනුවර කුණ්ඩසාලේ කෘෂිකාර්මික විද්‍යාලයෙන් උපාධියක් ලද එන්. සෝමසූරියන් තිරුමාරන් නම් තරුණයා මෙම උපකරණය නිපදවා ඇත.
මෙහි ක්‍රියාකාරිත්වය අද (10) මඩකළපු දිස්ත්‍රික් ලේකම් පී.එස්.එම්. චාර්ල්ස් මහත්මිය ඇතුළු මඩකළපු දිස්ත්‍රික් ලේකම් කාර්යාලයේ නිලධාරීන් හට පැහැදිලි කරන ලදී.
ජලය, පොල් තෙල් හා ඉවත දමන ප්ලාස්ටික් බෝතල් උපයෝගී කරගනිමින් ඔහු මෙම උපක්‍රමය සොයා ගෙන ඇත. ඉතාමත් අඩු පිරිවැයක් දරමින් මෙම උපක්‍රමය නිවසේදී ඕනෑම පුද්ගලයෙකුට පහසුවෙන් ක්‍රියාත්මක කළ හැක.
මෙය ඩෙංගු මදුරුවාට අටවන එක්තරා උගුලක් හා සමානය. ඉවත දමන ප්ලාස්ටික් බෝතලයක් කපා සාදා ගන්නා කොටසට ජලය හා පොල් තෙල් දමා එකට මිශ්‍ර කර නිවසේ තැබීම මෙම උගුලයි. ඩෙංගු මදුරුවන් මෙම ද්‍රාවණයේ බිත්තර දැමූ විට එම බීජ අජීවී බවට පත් වන බව දීර්ඝ කාලයක් මෙම ක්‍රමය තම වගා බිම තුළ අත්හදා බැලූ ඔහු පවසයි. මෙවැනි විවිධ පහසු උපක්‍රමයන් ඔහු තම වගා බිම තුළ කෘමීන් මර්දනය සඳහා යොදා ගන්නා බව ද පවසයි.
SDF/HC
