ගාල්ල දිස්ත‍්‍රික්කයේ තල්ගස්වල පොල්පැළකැටිය ශ්‍රී දේවගිරි විහාරස්ථානයේ අභිනවයෙන් ඉදි කරන ලද චෛත්‍යය කොත නිරාවරණය කිරීම සහ අභිනව දෙමහල් සංඝාවාසය විවෘත කිරීමේ පුණ්‍යෝත්සවය පසුගිය දා ඇතුල්කෝට්ටේ ශ්‍රී මහින්දාරාමාධිපති, ශ්‍රී ලංකා නිපෝන් අධ්‍යාපන කේන්ද්‍රයේ මහ ලේකම්, ප‍්‍රධාන සංඝනායක මීගහතැන්නේ චන්ද්‍රසිරි නාහිමිපාණන් වහන්සේගේ ප‍්‍රධානත්වයෙන් පැවැත්විණි.
එම පුණ්‍යෝත්සවයේ දී අභිනව දෙමහල් සංඝාවාස ගොඩනැගිල්ල සග සතු කොට පූජා කිරීම ඉඩම් හා පාර්ලිමේන්තු ප‍්‍රතිසංස්කරණ අමාත්‍ය ගයන්ත කරුණාතිලක මහතා අතින් සිදු කෙරුණි.
එම අවස්ථාවට ශ්‍රී දේවගිරි විහාරාධිපති හොරන්ගල්ලේ මහින්ද නාහිමියන් සහ විහාරාධිකාර වැලිවිටියේ ධම්මික හිමිපාණන් ප‍්‍රධාන මහා සංඝරත්නය ද ප‍්‍රදේශවාසීන් රැසක් ද සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
