ළමා ශ්‍රමිකත්වයට එරෙහි ජාතික දිනය ජූනි 12 වෙනි දිනට යෙදී ඇත. මෙය සැමරීමට මාතලේ දිස්ත්‍රික්කයේ උකුවෙල, යටවත්ත, පල්ලේපොළ, ගලේවෙල, දඹුල්ල සහ නාඋල ප්‍රාදේශීය ලේකම් කාර්යාලවල වැඩසටහන් රැසක් සංවිධානය කොට ඇති බව ජාතික ළමාරක්ෂක අධිකාරියේ මාතලේ දිස්ත්‍රික් කාර්යාලය පවසයි.
මේ වැඩසටහන් ජූනි 09 සිට 15 දින ක්‍රියාත්මක කරනු ඇත. ජූනි 09 දින පෙ.ව. 9.30ට මාතලේ නගරයේ දැනුවත් කිරීමේ සහ අත්පත්‍රිකා බෙදාදීමේ වැඩසටහන ආරම්භ කිරීමට කටයුතු සංවිධානය කොට ඇත. ළමා ශ්‍රමය යොදා ගැනීම පිටුදැකිය යුතු බවත් සෑම ළමයෙකුම අධ්‍යාපනය ලැබිය යුතු බවත් මේ දැනුවත් කිරීමේ වැඩසටහනේදි අවධාරණය කිරීමට නියමිතය.
මෙම අවස්ථාවට මාතලේ දිස්ත්‍රික් ලේකම් කාර්යාලයේ නිලධාරීන්, ළමා ආරක්ෂක අධිකාරියේ නිලධාරීන්, පොලිසියේ සහ කම්කරු කර්යාලයේ නිලධාරීන් එක්වීමට නියමිතය.
NDH/GNK-ISB-dmu matale
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
