හයිඩ්‍රාමනී පෞද්ගලික සමාගමේ ඉදිරියේ දී ස්ථාපිත කිරීමට නියමිත කර්මාන්ත ශාලාවක සේවය කිරීම සඳහා මුලතිව් ප්‍රදේශයේ තරුණියන් බඳවා ගැනීමට අදාළ සම්මුඛ පරීක්ෂණ පසුගිය සඳුදා මුලතිව් ආරක්ෂක සේනා මූලස්ථානය යටතේ වන 683 බල සේනා මූලස්ථානයේ දී පැවැත්විණි. මේ සදහා මුලතිව් ප්‍රදේශයේ තරුණියන් 160 දෙනෙක් පැමිණ සිටියහ.
මුලතිව් ආඥාපති මේජර් ජෙනරාල් ජගත් ඩයස් මහතා විසින් අදාළ සමාගම හා සිදු කළ සාකච්ඡාවේ දී මෙම තරුණියන් බඳවා ගැනීමට 683 බල සේනා මූලස්ථානයේ දී මෙසේ සම්මුඛ පරීක්ෂණ පැවැත්විය. ඔවුනට ආහාරපාන සහ අනෙකුත් පහසුකම් යුද හමුදාව විසින් සපයන ලදී.
මීට ප්‍රථම ද මෙම සමාගමේ කර්මාන්ත ශාලා සඳහා මුලතිව්හි තරුණ තරුණියන් 50 දෙනෙකුට රැකියා අවස්ථා ලබාදී ඇත.
HC/army media
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
