කෘෂිකර්ම අමාත්‍ය මහින්ද යාපා අබේවර්ධන මහතාගේ සංකල්පයකට අනුව ක‍්‍රියාත්මක කෙරෙන මේ වැඩසටහන මාතර දිස්ත‍්‍රික්කයේ වැලිගම, වැලිපිටිය, අකුරැස්ස, අතුරලිය, මාලිම්බඩ හා පිටබැද්දර යන ප‍්‍රාදේශීය ලේකම් කොට්ඨාසවල ක‍්‍රියාත්මක කිරීමට නියමිතය. ලබන සැප්තැම්බර් 09 සිට 18 දක්වා ක‍්‍රියාත්මක කෙරෙන ජාතික ගොවි සතියට සමගාමීව මේ වැඩසටහන ක‍්‍රියාත්මක කෙරේ.
ඒ අනුව කොරටු 3000ක රසායනික පොහොරවලින් තොරව කාබනික පොහොර පමණක් යොදා ගෙන එළවළු, අතිරේක ආහාර බෝග හා කෙසෙල් වැනි මධ්‍යකාලීන බෝග වගා කිරීම මෙම වැඩසටහනේ ඇති විශේෂත්වයයි. අලෙවි ප‍්‍රවර්ධන කටයුතු සඳහා වැලිගම ප‍්‍රාදේශීය ලේකම් කාර්යාලය ඉදිරිපිට රුපියල් 15,000,000.00ක වියදමෙන් දෙමහල් අලෙවි මධ්‍යස්ථානයක් ඉදිවෙමින් පවතින බව ද ශ්රී ලංකා හදබිම අධිකාරියේ සභාපති නන්දසේන හේරත් මහතා අදහස් දක්වමින් පැවසීය.
මේ සියලු වැඩසටහන් සඳහා අවශ්‍ය ප‍්‍රතිපාදන කෘෂිකර්ම අමාත්‍යාංශයෙන් සහ කෘෂිකර්ම අමාත්‍ය මහින්ද යාපා අබේවර්ධන මහතාගේ විමධ්‍යගත අරමුදලෙන් ලබා දී ඇත.
NDH/DM
