මේ සඳහා සත්කාරක සේවා සම්බන්ධ සියලු කටයුතු රත්ගම සංවර්ධන පදනම මඟින් සංවිධානය කර ඇති අතර දිවයින පුරා සිටින පරිත්‍යාගශීලීන්ගේ මූල්‍යමය සහ භාණ්ඩ ආධාර මත මෙය සිදු කෙරේ.
දුෂ්කර විහාරස්ථානවල සංඝයා වහන්සේලාගේ ප්‍රයෝජනය සඳහා අත්‍යවශ්‍ය වන සිවුරු, පිරිකර, ආගමික පොත්පත්, වියළි සලාක, ඇඳ ඇතිරිලි, කොට්ට මෙට්ට, බේසම්, බාල්දි, විදුලි බුබුළු, විදුලි පන්දම්, දත් බුරුසු, දත් බෙහෙත් යනාදී සියලු පිරිකර මෙහිදී පූජා කරනු ලැබේ.
රත්ගම සංවර්ධන පදනම මඟින් මේ වසරේදී දුෂ්කර ආගමික ස්ථාන සඳහා කැපකරු දායක ක්‍රමයක් ක්‍රියාත්මක කිරීමට එම පදනමේ අනුශාසක චමල් රාජපක්ෂ මහතා සහ එහි අධ්‍යක්ෂ මණ්ඩලය තීරණය කර ඇත.
