ආර්ථික සංවර්ධන අමාත්‍යවරයා මේ බව ප්‍රකාශ කළේ ගොවිජන සංවර්ධන දෙපාර්තමේන්තුවේ ගොවිජන සංවර්ධන සහකාර කොමසාරිස්වරු ලෙස 23 දෙනෙකුට පත්වීම් ලබාදීම නිමිත්තෙන් අද (28) ආර්ථික සංවර්ධන අමාත්‍යාංශයේ පැවති උත්සවයේදීය.
1957 ඔක්තෝබර් මස ඇරඹුණු ගොවිජන සංවර්ධන දෙපාර්තුමේන්තුවට අයත් ගොවිජන සේවා මධ්‍යස්ථාන 557ක් රටපුරා පිහිටුවා තිබේ.
ගොවිජන පනතට අදාළ ක්‍රියාකාරකම්, ගොවින් ශක්තිමත් කිරීම, කෘෂිකාර්මික ඉඩම් කළමනාකරණය, පුරං කුඹුරු අස්වැද්දීම, සුළු වාරිමාර්ග ප්‍රතිසංස්කරණය, ගොවි ජනතාවගේ ආර්ථිකය නඟාසිටුවීම වැනි වැඩසටහන් ගොවිජන සේවා මධ්‍යස්ථාන යටතේ ක්‍රියාත්මක කරනු ලබයි. දැනට ගොවිජන සංවර්ධන දෙපාර්තමේන්තුවේ සේවක පිරිස 12,000කට ආසන්නය.
මෙහිදී වැඩිදුරට‍ත් අදහස් දක්වමින් බැසිල් රාජපක්ෂ මහතා කියා සිටියේ ගොවිජන සේවා දෙපාර්තමේන්තුවේ යාන්ත්‍රණය ඉතා විශාලවන අතර එය රට පුරා සෑම ග්‍රාමසේවාවක්ම යටතේම ක්‍රියාත්මක වන අතර ගොවි ජනතාවට අවශ්‍ය සියලු සේවා සපයන ස්ථාන ලෙස ගොවිජන සේවා මධ්‍යස්ථාන නඟාසිටුවීම රජයේ අරමුණ බවයි.
මෙම උත්සවය අමතා විශේෂ ව්‍යාපෘති අමාත්‍ය සහ ආර්ථික සංවර්ධන නියෝජ්‍ය අමාත්‍ය එස්.එම්. චන්ද්‍රසේන, ගොවිජන සේවා කොමසාරිස් සුනිල් වීරසිංහ යන මහත්වරුන් අදහස් දැක්වූ අතර ආර්ථික සංවර්ධන අමාත්‍යාංශයේ අතිරේක ලේකම් ප්‍රියත්න මායාදුන්නේ, ගොවිජන සේවා දෙපාර්තමේන්තුවේ මානව සම්පත් කොමසාරිස් තරුණි ගමගේ ඇතුළු මහත්ම මහත්මීන් ඇතුළු විශාල පිරිසක් සහභාගි වූහ.
HC/DW_med
