ඊයේ ජනාධිපති රනිල් වික්‍රමසිංහ මහතා ඉදිරිපත් කළ 78වන අයවැයේදී මේ රට වෙනස් කරන තීන්දුවක් ගත් බවත්, බැංකු ජංගම ගිණුමක් ආරම්භ කිරීමට, ගොඩනැගිලි සැලැස්මක් අනුමත කිරීමට, මෝටර් රථයක් ලියාපදිංචියට, ඉඩමක් හෝ හිමිකමක් ලියාපදිංචියට බදු අංකයත් තිබීම අනිවාර්ය අංගයක් බවට පත් කිරීම ඉතා හොඳ තීරණයක් බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා අද (14) පාර්ලිමේන්තුවේදී ප්‍රකාශ කළේය.

සමෘද්ධි සංවර්ධන දෙපාර්තමේන්තුවේ නිලධාරින්ට නිසි උසස්වීම් පටිපාටියක් සකස් කර දීම සම්බන්ධයෙන් රජයට ස්තුතිවන්ත වන බව සමාජ සවිබල ගැන්වීම් රාජ්‍ය අමාත්‍ය අනුප පස්කුවල් මහතා අද (14) පාර්ලිමේන්තුවේදි පැවසීය.

ජාත්‍යන්තර ප්‍රසම්පාදන ක්‍රමවේදය යටතේ නිසි ප්‍රමිතියට කටයුතු නොකරන සමාගම් අසාදු ලේඛන ගත කිරීමට කටයුතු කරන බවත් මෙය සෑම ක්ෂේත්‍රයකටම අදාල විය යුතු බවත් එවැනි සමාගම් මෙරට තුළ වේ නම් ඒවා ද අසාදු ලේඛන ගත කිරීමට කටයුතු සිදු කල යුතු බවද එමෙන්ම ඖෂධ ක්‍රියාවලිය මිනිසුන්ගේ ජීවිත සමග සිදු කරන ගනුදෙනුවක් වන බැවින් ඒ සදහා වාර්ෂිකව බිලියන ගණනක් වැය කරන බවත් ඖෂධ සමාගම් ප්‍රමිතියෙන් යුතු ඖෂධ ජනතාවට ලබා දිය යුතු බව සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අවධාරණය කරයි.

සුළු හා මධ්‍ය පරිමාණ ව්‍යවසායකයන් නඟා සිටුවීම විශේෂ අවධානය – මුදල් රාජ්‍ය අමාත්‍ය ශෙහාන් සේමසිංහ.