අනතුරුව මල්වතු, අස්ගිරි මහා නායක හිමිපාණන් වහන්සේලා ද බැහැදැක උන්වහන්සේලාගේ සුවදුක් විමසීය.
පළමුව මල්වතු මහා විහාරය වෙත ගිය ජනාධිපතිතුමා මල්වතු මහා නායක අතිපූජ්‍ය තිබ්බටුවාවේ ශ්‍රී සුමංගල හිමිපාණන් වහන්සේ බැහැදැක උන්වහන්සේගේ සුවදුක් විමසා සුහද පිළිසඳරක නිරත විය.
පසුව අස්ගිරි මහා විහාරය වෙත ද ගිය ජනාධිපතිතුමා අස්ගිරි මහා නායක අතිපූජ්‍ය උඩුගම ශ්‍රී බුද්ධරක්ඛිත හිමිපාණන් වහන්සේ බැහැදැක උන්වහන්සේ සමඟ ද කෙටි පිළිසඳරක නිරත විය.
ජනාධිපතිතුමාගේ උපදෙස් පරිදි මොබිටෙල් ආයතනය මඟින් ක්‍රියාත්මක කරන ලද ජ්‍යෙෂ්ඨ පුරවැසියන් සඳහා ජංගම දුරකතනයක් සහිත දුරකතන සබඳතාවක් ලබාදීමේ වැඩසටහන යටතේ ජ්‍යෙෂ්ඨ භික්ෂූන් වහන්සේ වෙත ද එම දුරකතන ලබාදීමට ජනාධිපතිතුමා පියවර ගෙන ඇත.
ඒ අනුව ජ්‍යෙෂ්ඨ භික්ෂූන් වහන්සේ වෙත දුරකතන ලබාදීම සඳහා දුරකතන තොගයක් මල්වතු, අස්ගිරි මහා නා හිමිවරුන් වෙත භාරදීම ද ජනාධිපතිතුමා අතින් සිදු විය.
NDH/pmu_pix by Sudath Silva
