අධ්‍යාපන පොදු සහතික පත්‍ර (සාමාන්‍ය පෙළ) විභාගය අවස්න් වීමේන් පසු එහි ප්‍රතිඵල නිකුත් කිරිම සඳහා විභාග දෙපාර්තමේන්තුවට අවම වශයෙන් මාස 03කට ආසන්න කාලයක් ගත වේ. මෙම කාලය තුළ සිසුන් පාසල් අධ්‍යාපනයෙන් බැහැර වීම, ඔවුන් අධ්‍යයන පොදු සහතික පත්‍ර (උසස් පෙළ) හැදෑරීම සඳහා යොමු වීමේ ප්‍රවණතාව අඩු වීමට මෙන්ම එමඟින් විවිධ සමාජ ගැටලු නිරිමාණය වීමට ද හේතු වී ඇත.
එම කරුණු සැලකිල්ලට ගෙන,සිසුන්ගේ කාලය ඵලදායී ලෙස කළමනාකරණය කිරීමට සහ අ.පො.ස(උසස් පෙළ) විෂය නිර්දේශය ආවරණය සඳහා ගුරුවරුන්ට ප්‍රමාණවත් කාලයක් සලසා දීමට හැකි වන පරිදි,2024 වර්ෂයේ අ.පො.ස (සාමාන්‍ය පෙළ) විභාගය අවසන් වීමත් සමඟ පාසල් තුළ උසස් පෙළ අධ්‍යාපන කටයුතු ආරම්භ කිරීම යෝග්‍ය බව හඳුනාගෙන තිබේ.
