අධ්‍යාපනයේ සමාන අවස්ථා ගිරාඳුරුකෝට්ටේ දරුවන්ටත් ලබාදෙමින් මහින්දෝදය පාසල් දහසක් සංවර්ධනය කිරීමේ වැඩසටහන යටතේ ගිරාඳුරුකෝට්ටේ මධ්‍ය විද්‍යාලයේ ඉදිකරන ලද මහින්දෝදය තාක්ෂණික විද්‍යාගාරය ජනාධිපති මහින්ද රාජපක්ෂ මැතිතුමා අතින් අද (19) පෙරවරුවේ දී සිසු අයිතියට පැවරිණි.
අධ්‍යාපන අමාත්‍යංශයේ පූර්ණ අධීක්ෂණය යටතේ නිර්මාණය කළ අංග සම්පූර්ණ ගණිතාගාරයකින්, පරිගණක 25කින් සමන්විත භාෂාගාරයකින්, පරිගණක 40කින් සමන්විත පරිගණකාගාරයකින් හා දුරස්ථ ඉගෙනුම් මධ්‍යස්ථානයකින් මෙම විද්‍යාගාරය සමන්විත වේ.
තාක්ෂණ විද්‍යාගාරය සිසු අයිතියට පැවරූ ජනාධිපතිතුමා එහි නිරීක්ෂණ චාරිකාවක නිරතවීමෙන් අනතුරුව සිසු දරුවන් සමග සුහද කතාබහකද නිරත විය.
අධ්‍යාපන අමාත්‍ය බන්දුල ගුණවර්ධන මහතා ඇතුළු විශාල පිරිසක් මෙම අවස්ථාවට එක්ව සිටියහ.
DB/NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
