අද පෙරවරුවේ විහාරස්ථානය වෙත ගිය ජනාධිපතිතුමා පළමුව ආගමික වතාවත්වල නිරත වී ආශිර්වාද ලබා ගත්තේය.
විහාරස්ථානයේ අභිනවයෙන් ඉදිකරන ලද දේවාලය විවෘත කෙරුණේ ජනාධිපතිතුමා අතිනි. දේවාලය විවෘත කළ ජනාධිපතිතුමා එහි ප්‍රථම පූජාව ද සිදු කොට ආශිර්වාද ලබා ගත්තේය.
ජනාධිපතිතුමාගේ සම්ප්‍රාප්තිය සනිටුහන් කරමින් සමන් දේවාල පරිශ්‍රයේ සල් පැළයක් ද රෝපණය කෙරිණි.
අනතුරුව ඌව බිම්තැන්නේ දෙපළාතේ සංඝනායක පූජ්‍ය නාපටවෙල ධම්මානන්ද හිමිපාණන් වහන්සේ බැහැදුටු ජනාධිපතිතුමා උන් වහන්සේගේ සුවදුක් විමසමින් කෙටි පිළිසඳරක නිරත විය.
ප්‍රදේශයේ අතිවිශාල ජනතාවක් ද මේ අවස්ථාවට එක්ව සිටි අතර ජනාධිපතිතුමා ඔවුන්ගේ ද තොරතුරු විමසීය.
