ඉදිරියේදී ද්විතීයක පාසල්වලට බෙදී යන සංඛ්‍යාව අනුව කොළඹ ප්‍රධාන පාසල්වලට ඇතුළත් වන 5 ශ්‍රේණිය ශිෂ්‍යත්ව විභාගය සමත් සිසුන් සංඛ්‍යාව තව තවත් අඩුවේවි යැයි අධ්‍යාපන නියෝජ්‍ය අමාත්‍ය මොහාන් ලාල් ග්‍රේරු මහතා පවසයි.
අමාත්‍යවරයා අද (25) පාර්ලිමේන්තුවේ දී පාර්ලිමේන්තු මන්ත්‍රී අජිත් මාන්නප්පෙරුම මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙන් මේ බව පැවසීය.
හිස් වන පන්ති කාමයරට ප්‍රමාණය අනුව ළමුන් ඇතුළත් කර ගනී. දෙමාපියන්ගේ වාර්ෂික ආදායම රුපියල් 54,000ට අඩු අයට ශිෂ්‍යාධාර හිමි වේ. සපත්තු, නිල ඇදුම් ලබා දෙන අතර ශිෂ්‍යාධාර ලෙස මාසිකව රුපියල් 500.00 මුදලක් ද හිමි වන නිසා මේ ශිෂ්‍යාධාර ප්‍රමාණය ප්‍රමාණවත් වන බව ද අමාත්‍යවරයා ප්‍රකාශ කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
