ඓතිහාසික කැලණිය රජ මහා විහාරය ආසන්නයේම පිහිටි, කැලණිය පුදබිම හා බැඳුනු පුරාවෘත්තින් රැසක් සහිත මෙම පුදබිමේ පිහිටි ඉපැරණි බෝධිඝරය සහ පොකුණ ප්‍රතිසංස්කරණය කර දෙන ලෙස කැලණිය රජමහා විහාරාධිපති ආචාර්ය පූජ්‍ය කොල්ලුපිටියේ මහින්ද සංඝරක්ඛිත හිමියන් මීට මාස දෙකකට පමණ ඉහත දී ජනාධිපතිතුමාගෙන් ඉල්ලීමක් කරනු ලැබීය.
වහාම එම ඉල්ලීම ඉටුකිරීමට පියවර ගත් ජනාධිපතිතුමා ත්‍රිවිධ හමුදාවේ සහය ඇතිව පුදබිම ප්‍රතිසංස්කරණ කටයුතු කඩිනමින් ආරම්භ කිරීමට අදාළ අංශ වෙත උපදෙස් දුන්නේ ය.
අද (04) පෙරවරුවේ ඓතිහාසික එගොඩ කැලණිය පුදබිම වෙත ගිය ජනාධිපතිතුමා ආගමික වතාවත්වල නිරතවීමෙන් අනතුරුව එම ප්‍රතිසංස්කරණ කටයුතු පිළිබඳව ද විමසා බැලීය.
පූජ්‍ය අඹේපුස්සේ අමරජෝති ස්වාමින් වහන්සේ ද එම අවස්ථාවට එක්ව සිටියහ.
