අලුත්ගම හා බේරුවල ප්‍රදේශවල පසුගිය දිනවල හටගත් සිදුවීමෙන් විනාශ වූ නිවාස හා දේපළ නැවත ගොඩනැගීමේ කටයුතු ආරම්භ වී ඇති අතර එම කටයුතු නිරීක්ෂණය කිරීමට ජනාධිපති මහින්ද රාජපක්ෂ මැතිතුමා අද (30) නිරීක්ෂණ චාරිකාවක නිරත විය.
විනාශ වූ නිවාස හා දේපළ ප්‍රතිසංස්කරණය කිරීම ශ්‍රී ලංකා යුද හමුදාවේ මූලිකත්වයෙන් මේ වන විටත් සිදු කෙරේ.
පතිරාජගොඩ, දර්ගා නගරය, මීරච්චිකන්ද, වරාපිටිය, සීනවත්ත සහ අලුත්ගම නිරීක්ෂණ චාරිකාවේ යෙදෙන අතරතුර මහින්ද රාජපක්ෂ මැතිතුමා සිංහල සහ මුස්ලිම් ජනතාව හමුවී ඔවුන් සමඟ සුහද පිළිසඳරක ද යෙදුණි.
අමාත්‍යවරුන් වන රාජිත සේනාරත්න, රෝහිත අබේගුණවර්ධන සහ මේ ප්‍රතිසංස්කරණ කටයුතු භාරව සිටින මේජර් ජෙනරාල් උභය මැදවල යන මහත්වරු ඇතුළු පිරිසක් මේ චාරිකාවට එක් ව සිටියහ.
HC/pmu_Pix by : Nishanka de Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
