ශ්‍රී ලංකාව තුළ කව්පි නිෂ්පාදනය ඉහළ නැංවීමට රජය පියවර ගන්නා බවත් ආහාර නිෂ්පාදන ජාතික වැඩසටහන යටතේ ප්‍රමුඛතාවය ලබාදෙන වගාවක් ලෙස කව්පි වගාව හඳුනාගෙන ඇති බවත් කෘෂිකර්ම රාජ්‍ය අමාත්‍ය වසන්ත අලුවිහාරේ මහතා පවසයි.
අමාත්‍යවරයා මේ බව අද (22) පාර්ලිමේන්තුවේ දී ප්‍රකාශ කළේ,පාර්ලිමේන්තු මන්ත්‍රී බුද්ධික පතිරණ මහතා යොමු කළ වාචික ප්‍රශ්නයකට පිළිතුරු ලබාදෙමිනි.
ඒ අනුව කව්පි හෙක්ටයර් 10,700ක් වගාකිරීමට කටයුතු කරන් අබවත් කව්පි මෙක්ට්‍රික් ටොන් 15,000ක නිෂ්පාදනයක් ලබාගැනීමට බලාපොරොත්තුවන බවද කව්පි වගාව සඳහා නව ප්‍රදේශ හඳුන්වා දීම, නිර්දේශිත විද්‍යාත්මක ක්‍රමවේද භාවිතා කරමින් කව්පි වගාව ප්‍රචලිත කරන බවද අමාත්‍යවරයා පිළිතුරු ලබාදෙමින් පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
