මහනුවර දිස්ත්‍රික්කයේ ජනතා විමුක්ති පෙරමුණේ පළාත් සභා අපේක්ෂකයන්, හිටපු ප්‍රාදේශීය සභා මන්ත්‍රීවරුන්, හිටපු ආසන සංවිධායකවරුන්, වෘත්තීය සමිති නියෝජිතයන්, ශිෂ්‍ය සමිති ක්‍රියාකාරීන් ඇතුළු පිරිසක් ඒ අතර වේ.
එහි කැඳවුම්කරු ලෙස මිනිපේ ප්‍රාදේශීය සභාවේ ජවිපෙ හිටපු මන්ත්‍රී නන්දරත්න දිසානායක මහතා කටයුතු කරයි.
මෙහිදී අදහස් දැක්වූ ඒ මහතා පැවසුවේ, රටට එල්ල වූ අධිරාජ්‍යවාදී බලපෑම් හමුවේ 2005 ජනාධිපතිවරණයේදී ජවිපෙ ජනාධිපතිතුමාට සහය පළ කළද අද එම පක්ෂය රජයේ ගමනට විවිධ වූ බාධක ඇති කරමින් අධිරාජ්‍යවාදී ගැති ප්‍රතිපත්තියක පිහිටා කටයුතු කරන බවයි.
2005 ජනාධිපතිවරණයේදී ජනතා විමුක්ති පෙරමුණ ජනාධිපතිතුමා වෙත ඉදිරිපත් කළ සියලු ඉල්ලීම් ඉටුකිරීමට ද ජනාධිපතිතුමා කටයුතු කළේය. එබැවින් අද සටන් පාඨ නොමැති ජනතා විමුක්ති පෙරමුණු නායකත්වය රජයට පදනම් විරහිත චෝදනා එල්ල කරමින් සිටින බව ද ඒ මහතා පෙන්වා දුන්නේය.
