ගංවතුර හේතුවෙන් විනාශ වූ මාර්ග සහ පාලම් ඉදිකිරීම සඳහා කිසිදු මහජන මුදලක් වැය නොකරන බවත් එම ඉදිකිරීම් කටයුතු සඳහා ඒවා ඉදිකළ සමාගම්වලට ම පවරා ඇති බවත් මහාමාර්ග, වරාය හා නාවික ව්‍යාපෘති අමාත්‍ය නිර්මල කොතලාවල මහතා පවසයි.
අමාත්‍යවරයා අද (19) පාර්ලිමේන්තුවේදී කුරුණෑගල දිස්ත්‍රික් මන්ත්‍රී අශෝක් අබේසිංහ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමින් මේ බව කීය.
මහජන මුදල් කිසි කුමන ආකාරයෙන් නාස්ති කිරීමට රජය කටයුතු කර නොමැති බව පැවසූ අමාත්‍යවරයා විශාල ගංවතුර පැමිණි විට මහාමාර්ග පමණක් නොව පාලම් පවා විනාශ වන බවත් ඒවා ඉදිකිරීම සඳහා නැවත ඒ ඒ සමාගම්වලට පවරා ඇති බවත් සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
