ජාත්‍යන්තර වේදිකාවල දී ශ්රී ලංකාවට අඛණ්ඩව සහය දෙන බවට කියුබානු ජනාධිපතිවරයා එහිදී සහතික විය.
“ඔබ වැනි නායකයන් සමග ක‍්‍රියාකරන්න අපි කැමතියි”, ජනාධිපති කස්ත්‍රෝ මැතිතුමා පැවසීය. “කියුබාවේ සියලු මිතුරන්ට ඔහුගේ සුබපැතුම් පුද කරන්නැයි ෆිදෙල් මට පැවසුවා. ඔබ අපගේ එක් මිතුරෙක්”.
ලබා දෙන සහයෝගයට ජනාධිපති රාජපක්‍ෂ මැතිතුමා කියුබාවට ස්තුතිය පළ කළේය. “ඔබ සිටින තැන අපට පහසුවක් දැනෙනවා”, ජනාධිපති රාජපක්‍ෂ මැතිතුමා කීය. “අපව අවබෝධ කර ගන්නා මිතුරෙකු අපට සිටින බව අපි දන්නවා”.
විදේශ අමාත්‍ය මහාචාර්ය ජී. එල්. පීරිස්, විදේශ කටයුතු අමාත්‍යංශ අධීක්ෂණ මන්ත‍්‍රී සජින් ද වාස් ගුණවර්ධන, ජනාධිපති ලේකම් ලලිත් වීරතුංග, විදේශ අමාත්‍යංශ ලේකම් ෂෙනුකා සෙනෙවිරත්න, එක්සත් ජාතීන්ගේ ශ්රී ලංකා නිත්‍ය නියෝජිත ආචාර්ය පාලිත කොහොන හා කියුබාවේ ශ්රී ලංකා තානාපති සරත් දිසානායක යන මහත්ම මහත්මීහු මෙම සාකච්ඡාවලට එක්ව සිටියහ.
NDH/NP/PS&IMU_pix by Sudath Silva
