ජාතික හරිත සම්මාන ප්‍රදානෝත්සවය ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (12) පස්වරු 3.00ට බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්වේ.
මෙරට ක්‍රියාත්මක කර්මාන්ත ක්‍රියාවලීන් ඇතුළු ක්ෂේත්‍ර 17ක් ආවරණය වන පරිදි පරිසර හිතකාමී ක්‍රියාදාමයන් ජාතික මට්ටමින් ඇගයීමක් මේ මඟින් සිදු කෙරේ. පරිසර හිතකාමී අයුරින් කටයුතු කරන ආදර්ශවත් පුරවැසියන් උදෙසා රන්, රිදී, ලෝකඩ හා කුසලතා සම්මාන 100කට ආසන්න ප්‍රමාණයක් මෙහිදී ප්‍රදානය කරයි.
පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත මහතාගේ මාර්ගෝපදේශකත්වයෙන් ජාතික හරිත සම්මාන ප්‍රදානෝත්සවය මධ්‍යම පරිසර අධිකාරිය විසින් සංවිධානය කර ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
