"මහින්ද චින්තන ඉදිරි දැක්ම" තුළ තාරුණ්‍යය තුළින් ගොඩනඟන දේශයක් බවට පත්කිරීමේ උදාරතර සංකල්පය ලොවට විදහා දැක්වීමේ අවස්ථාවද මෙම තරුණ සමුළුව සඳහා අපට හිමිවන බවත්, ලංකා ඉතිහාසයේ මෙවන් වූ අත්දැකීමක් මින් පෙර තාරුණ්‍ය වෙනුවෙන් නොලැබූණ නිසා අපට මෙම අවස්ථාව මහත් ආශිර්වාදයක් බවත්, යෞවන කටයුතු හා නිපුණතා සංවර්ධන අමාත්‍යංශයේ පිහිටුවා ඇති තරුණ සමුළු සභාපති සම්බන්ධීකරණ කාර්යාලයේ ප‍්‍රධානී රසිත දෙලපොළ මහතා විසින් ප‍්‍රකාශ කරන ලදි.
15 වන ලෝක තරුණ සමුළුව මැයි 06 වන දින සිට 10 දක්වා පැවැත්වීමට නියමිත අතර මෙහි සමාරම්භක උළෙල හම්බන්තොට මාගම් රුහුණුපුර අන්තර්ජාතික සම්මන්ත‍්‍රණ ශාලාවේදී පැවැත්වීමට කටයුතු සලසා ඇත.
සමුළුවේ අනෙකුත් සැසි මැයි 07 සිට 10 දක්වා කොළඔ බණ්ඩාරනායක අන්තර්ජාතික සම්මන්ත‍්‍රණ ශාලාවේදී පැවැත්වෙන අතර මෙම සමුළුව ආසියානු කලාපයේ මෙන් ම ශ්‍රී ලංකාව තුළද ප‍්‍රථම වරට පැවැත්වීමට හැකියාව ලැබීමද ශී‍්‍ර ලංකාව ලැබූ ජයග‍්‍රහණයක් බවද පැවසේ.
DB
