පසුගිය අඟහරුවාදා ඉදිරිපත් කර ඇති මහලේකම්වරයා වාර්තාවේ දී එක්සත් ජාතීන් ගේ මානව හිමිකම් සමුළුවේ යෝජනාව පිළිබඳ කරුණු දක්වා තිබීම සම්බන්ධයෙන් සැලැකිලිමත් වන බව ශ්‍රී ලංකාව එක්සත් ජාතීන් ගේ ආරක්ෂක මණ්ඩලය වෙත පැවැසී ය.
මේ වසරේ වාර්තාවේ මානව හිමිකම් සමුළු යෝජනාව, වගවීම හා සත්‍ය හා ප්‍රතිසන්ධාන කොමිසමක් පිළිබඳ කරුණු අඩංගු වෙතැ යි රජය පවසයි.
"අදාළ ගැටලුව හා සම්බන්ධ නොවන මෙවන් ගැටලු, මේ වාර්තාව තුළට ඇදැදැමීම පිළිබඳ ව කනගාටු වන බව" ශ්‍රී ලංකා රජය සඳහන් කළේ ය.
සහය සැපැයීම ඇතුළු ව ගැටුම්වල දී ලිංගික ප්‍රචණ්ඩත්වයට එරෙහි ව පියවර ගැනීම සඳහා අදාළ සියලු රාජ්‍ය සමඟ සම්බන්ධ ව කටයුතු කළ යුතු බව ශ්‍රී ලංකාව එක්සත් ජාතීන් ගේ සංවිධානය වෙත පැවැසී ය.
"මේ ක්‍රියාවලියේ දී පරමාධිපත්‍යය හා භෞමික අඛණ්ඩතාව යන මූලධර්ම වෙනුවෙන් සාමාජික රටවල ගරුත්වය රැකිය යුතු ය" යි ශ්‍රී ලංකා රජය අවධාරණය කරයි.
TJ
