මේ වසර දෙකට පමණක් ලබා දෙන ද්විභාෂා හැඳුනුම්පත ඉල්ලුම් කරන්නන්ට පමණක් ලබා දෙනු ලැබේ.
දැනට ඇති හැඳුනුම්පත හේතුවෙන් පුද්ගලයා නිසි පරිදි හඳුනාගැනීමේ අපහසුතා මෙන්ම ඔහුට යම් සේවාවක් ලබාගැනීමේදී සිදුවන අපහසුතා ද මතුවේ.
විද්‍යුත් ජාතික හැඳුනුම්පත ලබාගැනීමේදී අදාළ පුද්ගලයාගේ පවුලේ අයගේ විස්තර ද ඊට ඇතුළු කරන අතර ඇඟිලි සලකුණු යොදා ඊට නිසි අංකයක් ද ලබා දෙයි. මේ නිසා යම් වැරදි සහගත ලිපියක් හෝ උප්පැන්නය හෝ ඉදිරිපත් කර ජාතික හැඳුනුම්පත ලබාගත්ත ද පුද්ගලයා හඳුනාගැනීමට දත්ත නිසි ලෙස ගබඩා වෙයි.
මෙය සැකසීමේ දත්ත විද්‍යුත්කරණය කිරීම මේ ජූලි මසදී ආරම්භ කිරීමට නියමිතය. ජාතික පුරවැසි දත්ත පද්ධතිය සැකසීම වර්ෂ 2015 අවසන් වීමට පෙර සිදුකෙරෙන බව ද ඒ අනුව 2016 දී විද්‍යුත් ජාතික හැඳුනුම්පත අනිවාර්යයෙන්ම නිකුත් කිරීමේ කටයුතු කඩිනම් කරන බව ද සරත් කුමාර මහතා පවසයි.
HC/mod
