දෙහිවල සත්වෝද්‍යානයේ අලින් තිදෙනෙකුට ක්ෂය රෝගය වැළඳී ඇතැයි පවතින සැකයක් මත තාවකාලිකව ඊයේ (21) සිට එහි අලි නැටුම් සංදර්ශන නවතා දමා ඇතැයි සත්වෝද්‍යාන දෙපාර්තමේන්තුව පවසයි.
දැනට එහි අලි ඇතුන් (08) දෙනෙකු ඇති අතර, ඉන් තුන්දෙනෙකුට රෝගය වැළඳී ඇතැයි අනුමාන කෙරේ. එම සතුන්ගේ නඩත්තු කටයුතු සිදුකරනු ලබන සේවකයින්ද මේ වන විට වෛද්‍ය පරීක්ෂණ සඳහා යොමු කර ඇති බවත්, ඔවුන්ට රෝගය වැළඳී ඇති බවට තොරතුරු මෙතෙක් ලැබී නොමැති බවත් එම දෙපාර්තමේන්තුව පවසයි.
දිනකට දෙහිවල සත්වෝද්‍යානයට අලි නැටුම් නැරඹීමට විශාල පිරිසක් පැමිණෙන හෙයින් ඔවුන්ගේ සෞඛ්‍ය තත්ත්වය සැලකිල්ලට ගනිමින් අලි නැටුම් තාවකාලිකව මෙසේ අත්හිටුවා ඇත.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
