ලෝක මිහිතල දිනය හෙටට (22) යෙදී ඇත. එය සැමරීම සඳහා තාක්ෂණ හා පර්යේෂණ අමාත්‍යාංශය ප්‍රමුඛ ජාතික විද්‍යා පදනම සංවිධානය කර ඇති විශේෂ වැඩසටහන හෙට (22) පෙරවරු 8.30ට ජාතික විද්‍යා පදනමේදී (NIBM ආයතනය අසල) පැවැත්වේ.
ලෝක මිහිතල දිනය සැමරීම සඳහා ලොවපුරා විවිධ වැඩසටහන් හා උත්සව සංවිධාන කර ඇත. විෂයානුබද්ධ විද්වත් දේශන, මිහිතල දිනය හා සම්බන්ධයෙන් නිර්මාණය කෙරුණු වීඩියෝ පට ප්‍රදර්ශනය කිරීම, පැන විසඳුම් තරග හා විවිධ ප්‍රසංගයක් ඇතුළු විශේෂාංග ගණනාවක් හෙට පැවැත්වෙන වැඩසටහනට එක්කොට තිබේ.
තාක්ෂණ හා පර්යේෂණ අමාත්‍ය පාඨලී චම්පික රණවක මහතාගේ ප්‍රධානත්වයෙන් පැවැත්වෙන මේ වැඩසටහන සඳහා විද්‍යාඥයන්, විශ්වවිද්‍යාල ආචාර්යවරුන්, ගුරුවරුන් හා පාසල් ළමුන් රැසක් සහභාගී වීමට නියමිතයි.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
