මැයි 16, 2024
ශ්රී ලංකාවට පැමිණ සිටින පාකිස්තාන ගුවන් හමුදාපති එයාර් චීෆ් මාර්ෂල් තාහිර් රාෆික් බට් හා ශ්රී ලංකා ගුවන් හමුදාපති එයාර් මාර්ෂල් කෝලිත ගුණතිලක අතර නිල හමුව ගුවන් හමුදා මුලස්ථානයේදී අද (28) පෙරවරුවේදී සිදුවිය.
මෙම හමුවේදී දෙරටේ ආරක්ෂක තත්ත්වය පිළිබඳ කරුණු රැසක් සාකච්ඡා කරන ලද අතර පාකිස්තාන ගුවන් හමුදාපති එයාර් චීෆ් මාර්ෂල් තාහිර් රාෆික් බටි හා ශ්රී ලංකා ගුවන් හමුදාපති එයාර් මාර්ෂල් කෝලිත ගුණතිලක අතර හමුවීම සිහිගැන්වීම පිණිස විශේෂ සමරු තිළිණ හුවමාරුවක්ද සිදුවු අතර ශ්රී ලංකා ගුවන් හමුදා මාණ්ඩලික ප‍්‍රධානි ඇතුළු අධක්‍ෂක මණ්ඩලයේ නිලධාරිහු ද මෙම අවස්ථාව සඳහා සහභාගි වූහ.
ඉන් අනතුරුව පාකිස්තාන ගුවන් හමුදාපතිවරයාගේ ආර්යාව වෙනුවෙන් වෝටර්ස් එජ් හෝටලයේදී ශ්රී ලංකා ගුවන් හමුදාපතිවරයාගේ ආර්යාව රොෂානි ගුණතිලක විසින් විශේෂ තේ පැන් සංග‍්‍රහයක්ද පවත්වන ලදී.
පාකිස්තාන ගුවන් හමුදාපති ආරක්ෂක මාණ්ඩලික ප‍්‍රධානි මෙන් ම යුධ හා නාවික හමුදාපතිවරුන් හමුවීමටද නියමිත අතර රාජ්‍ය ආරක්ෂක හා නාගරික සංවර්ධන අමාත්‍යාංශය ලේකම් ගෝඨාභය රාජපක්ෂ හමුවීමටද නියමිතව ඇත. මෙම සංචාරය අතරතුර පකිස්තාන ගුවන් හමුදාපති ගුවන් හමුදා මූලික කඳවුර කටුනායක හා ගුවන් හමුදා චීනවරාය විද්‍යාපීඨ කඳවුර ඇතුළු ස්ථාන කිහිපයකම සංචාරය කිරීමටද නියමිතව ඇත.
ECB
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
