කොරෝනා වෛරසය රට තුළ ව්‍යාප්ත වීම හේතුවෙන් රටේ ජනතාව විමසිල්ලෙන් පසුවන අවස්ථාවක අසත්‍ය ප්‍රකාශ සමාජගත කරන්නන්ට එරෙහිව නීතිය දැඩිව ක්‍රියාත්මක කරන බව බස්නාහිර පළාත් භාර ජේ‍යෂ්ඨ නියෝජ්‍ය පොලිස්පති අජිත් රෝහණ මහතා පැවසීය.
ඒ මහතා මේ බව පැවසුවේ අද (16) පස්වරුවේ රජයේ ප්‍රවෘත්ති දෙපාර්තමේන්තුවේ පැවති කොවිඩ් -19 විශේෂ මාධ්‍ය හමුවට එක්වෙමිණි.
පසුගිය දින කිහිපයක සිට සමාජ මාධ්‍ය හරහා බොරු මත ප්‍රකාශ කළ එවැනි පුද්ගලයන් දෙදෙනෙකු අද දිනයේ දී අත් අඩංගුවට ගත් බවත් ඔවුන් රාගම සහ බණ්ඩාරගම ප්‍ර දේශයේ පිදිංචිකරුවන් බවත් අජිත් රෝහණ මහතා වැඩිදුරටත් පැවසීය.2007 අංක 24 දරන පරිගණක අපරාධ පනත යටතේ ඔවුන්ට එරෙහිව නීතිය ක්‍රියාත්මක කරන බවද ඒ මහතා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
