අලුත් මැෂින්, ක්‍රමවේද අනුගමනය කරමින් නිෂ්පාදන ධාරිතාව වැඩිකිරීමට අපේක්ෂා කෙරේ. මෙම කර්මාන්ත ශාලා දෙකෙහි නිලධාරීන් 27ක් සෙසු නිලයන් 1597ක් සේවය කරති. මේ අතරින් 80%ක ප්‍රමාණයක් ආබාධිත රණ විරුවන් වේ.
මෙම කර්මාන්ත ශාලාවල සේවය කරනු ලබන්නන්ට රුපියල් 5200ක පමණ අමතර ආදායමක් ලබාගත හැකි බවත් මෙම ඇඟලුම් කර්මාන්ත ශාලා හේතුවෙන් වසරකට රුපියල් මිලියන 175ක් ඉතුරු කර ගැනීමට හැකි වන බවත් පෙන්වා දුන් වනිගසුරිය මහතා මෙම ආබාධිත සෙබළුන් රණ විරු සෙවණක හෝ අභිමංසලක සිටිය ද ඔවුන්ට ද රණ විරුවෙකු සඳහා ලබාදෙන මාසික වැටුප ලබාදිය යුතු බවත් දිරි දීමනා ඔවුන් නිෂ්පාදන කටයුතුවල නිරත වී සිටින බැවින් ලබාදෙන්නක් බවත් පෙන්වා දුන්නේ ය.
අලුත්ගම ප්‍රදේශයේ පසුගිය දින ඇතිවු කලබලකාරී තත්ත්වය හේතුවෙන් විනාශයට පත් වු නිවාස 35ක් හා සාප්පු 07ක් සම්පූර්ණයෙන් ම නවීකරණය කොට හිමිකරුවන් වෙත භාර දී අවසන් වී ඇතැයි ද මෙහිදී බ්‍රිගේඩියර්වරයා මාධ්‍යවේදියෙකු නැගු පැනයකට පිළිතුරු දෙමින් පැවසීය.
මේ වන විට නිවාස 103ක හා සාප්පු 25ක නවීකරණ කටයුතු සිදුකරමින් පවතී. සියලු නවීකරණ කටයුතු ත්‍රිවිධ හමුදා දායකත්වයෙන් සිදු කෙරේ.
DB
